БУЈАР ОСМАНИ КАЖА ЗОШТО ОСТАНА СПУШТЕНА ГРЧКАТА РАМПА - границата и натаму останува затворена
Објавено во: Македонија 14 Мај, 2021
Министерот за надворешни работи на Македонија, Бујар Османи, објасни зошто грчките граници останаа затворени за македонските граѓани кои поитаа кон Грција уште рано утрово.
Според него, се уште нема формална одлука на грчката Влада за отворање на границите, па затоа е направен тој застој на македонско - грчката граница.
Османи, денеска одговарајќи на новинарско прашање, рече дека македонските граѓани кои чекаат на граничниот премин нема на можат за ја поминат границата без формална одлука на Владата во Грција.
„Ние сме во очекување да се формализира намерата на Грција за отворање на границите и да можат да минуваат граѓаните“ вели Османи, кој ги повика граѓаните да се информираат преку официјалните соопштенија.
Граничниот премин „Богородица“ на грчко-македонската граница сè уште е затворен и не се пропуштаат возилата накај Грција, иако беше најавено и од грчка и од македонската страна дека денеска ќе биде отворен.
Како што Фактор веќе објави, а според официјална потврда од МВР, возилата не биле пропуштени затоа што вработените на грчките гранични премини се уште немале добиено официјално известување од грчката Влада дејка смеат да пропуштаат странскио граѓани.
Одделнои медиуми јавија дека рано утрово биле пропуштени 50 возила, но потоа ненадејно тоа бил стопирано, и останала колоната од возила од македонските граѓани.
Според здравствените протоколи што ги усвои Грција, објавени на веб страницата на грчкото Министерство за надворешни работи, на граница ќе се признаваат и сертификатите за вакцинирање со руските и кинеските вакцини, кои сè уште не се одобрени за користење во Европска Унија.
Грчките туристички власти објавија дека негативен ПЦР тест нема да се бара од туристите кои се имунизирани со вакцина на „Фајзер/Бионтек“, „Модерна“, „АстраЗенека“, „Новавакс“, „Џонсон и Џонсон“, „Синовак“, „Кансино бајолоџикс“, „Синофарм“ или „Спутник“ .