„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
Објавено во: Македонија 28 Април, 2024
Во поткастот Политиканти, поранешниот премиер Димитар Ковачевски, излезе со посериозна критка кон неговиот доскорешен партнер ДУИ, а особено кон Артан Груби. Вели дека поради неговото играње фудбал во канцеларија, се создавал впечаток дека никој во владата не работел, што не е точно.
„Тоа само покажува дека после 22 години на ДУИ единствена реторика во политичка борба за европска иднина му останува да се повикува анахрони повици од 2001 година, и тоа на кого му штети, тоа му штети на тој кој што сака да изгради мултиетничко општество во државата. Фатмир Битиќи, човекот сработи антикризни мерки и треба да добие благодарница за сите, Бектеши исто работеше на намалување на инфлацијата, тоа убаво се гледа по медиуми кој што работе. И на крај го имаш Артан Груби кој игра фудбал во канцеларија, па ги викнал другите да играат и имате впечаток дека никој ништо не работи“ рече Димитар Ковачевски – носител на листа од СДСМ во ИЕ 1 во поткастот „ Политиканти“.