Бујар Османи: Сега и СДСМ ќе бара 61 пратеник за да не го уценува ДУИ

Добивај вести на Viber

Бујар Османи, вицепремиерот за евроинтеграции, на денешната партиска прес-конференција рече дека СДСМ, по стариот пример на ВМРО-ДПМНЕ, ќе бара гласови и мнозинство од 61 пратеник во Собранието за да не биде уценуван од ДУИ.

Ова Османи го најави откако СДСМ официјално направи предизборна коалиција со БЕСА, а претседателот Зоран Заев во неколку наврати порача дека неговата партија повеќе нема да дозволува повеќе да биде уценувана.

- Во последно време се зборува за некакво уценување кое го прави ДУИ кон македонските политички партии па дури сега и двете политичлки партии ги повикуваат граѓаните да освојат 61 пратеник за да не ги уценува ДУИ. Ако уценување е потребата од решавање на името и потребата од отворање на патот кон НАТО, ако уценување е потребата за потпишување на договор со Бугарија, ако уценување е поднесувањето на Законот за јазици за да се релаксираат меѓуетничките односи, да, ДУИ уценуваше, но никогаш за себе, никогаш за партијата секогаш за интересите на граѓаните, секогаш за потребата државата да оди напред. Сме условувле формирање на влади со тие прашања, но денеска токму тие прашања не донесоа во НАТО, рече Османи.

Владиниот функционер уште еднаш повтори дека е непринципиелна и дека БЕСА намерно влегла во предизборен сојуз со СДСМ за, како што вели тој, да опстане на политичката сцена. 

Порача дека тие сега се насочени кон гласовите на граѓаните, а за коалиции ќе размислуваат по изборите.