Целта е нашите вработени да бидат среќни – изјави директорот на една од нашите најуспешни компании, фабриката за акумулатори ТАБ МАК ДООЕЛ од Пробиштип
Објавено во: Македонија 20 Декември, 2021
Минатите две години беа период на неочекувани промени, поинакви приоритети, големи предизвици и нови начини на меѓусебна комуникација и размислувања, но и можност за стекнување со нови знаења.
Овие промени, ни дадоа шанса да дознаеме за нови начини како да ги подобриме условите и бенефициите за вработените лојални на нашата компанија. Од таа причина одлучивме да обезбедиме доброволно пензиско осигурување за нашите вработени и да организираме професионална пензиска шема. Со ова ТАБ МАК сака да испрати јасна порака дека е работодавец кој постојано бара иновативни начини како дополнително да ги мотивира своите вработени, да ги задржи вредните работници и што е многу значајно, да привлече нови квалитетни кадри.
Водејќи се од нашите приоритети, направивме истражување на пазарот за доброволно пензиско осигурување и донесовме одлука да организираме доброволна пензиска шема за вработените кај компанија која е општествено одговорна, транспарентна и веќе етаблирана на пазарот. Нашиот избор е Сава пензиско друштво а.д. Скопје.
“Сметаме дека доброволното пензиско осигурување отвара пат за подобри примања на нашите вработени во иднина, при тоа користејќи даночни ослободувања од државата. Целта е нашите вработени да бидат среќни и со тоа да се осигура нивната лојалност на компанијата и да се фокусираат на остварување на деловните цели. Со ова добивме можност да бидеме општествено одговорен работодавец и позначајно да влијаеме на посигурна иднина за нашите вработени“, изјави Петер Верчко, Директор на ТАБ МАК ДООЕЛ, фабрика за акумулатори од Пробиштип, една од најуспешните македонски компании.
“Нашето пензиско друштво е присутно на пазарот повеќе од 16 годинии претставува спој на сигурност, традиција на осигурителна групација, знаење и искуство во управување со пензиски фондови. Посебно ни е драго кога овиенаши вредности се препознаени од најуспешните компании во државата, изјави д-р Петар Талески, Член на Управен одбор на Сава пензиско друштво а.д. Скопје.
Партнерството помеѓу двете компании беше официјализирано од страна на Членовите на Управниот одбор на Сава пензиско друштво, д-р Петар Талески и Директорот на ТАБ МАК ДООЕЛ, Петер Верчко.
ПР објава