ЦЕНА НА ТРУДОТ: Еве што пресмета статистика
Објавено во: Економија 17 Април, 2018
Годишниот просек на издатоци на работодавецот по вработен во Република Македонија во 2016 година изнесува 398 242 денари.
Ова се податоците кои денеска ги објави Државниот завод за статистика.
Вкупниот годишен просек на фактички одработени часови по вработен во Република Македонија изнесува 1 740 часови.
Најголем годишен просек на издатоци на работодавецот по вработен во Република Македонија има во секторот Финансиски дејности и дејности за осигурување и изнесува 695 297 денари.
Во 2016 година, годишниот просек на издатоци на работодавецот по фактички одработен час во Република Македонија изнесува 229 денари.
За прв пат при обработката на податоците од истражувањето Анкета за цената на трудот спроведено во 2017 за податоци за 2016 година користен е комбиниран метод ( Управата за јавни приходи и Центарален регистар ).