Чавушоглу ја повика Европа да не се меша во внатрешната политика на Турција

Добивај вести на Viber

„Обидите на Холандија и на други европски држави да и даваат лекции по демократија на Турција се мешање во внатрешната политика“, тоа го изјави турскиот министер за надворешни работи Мевлут Чавушоглу за време на заедничката прес-конференција со својот холандски колега Берт Коендерс во Анкара денес.

Чавушоглу истакна дека кога Турција дава изјави по повод своите граѓани во Европа, тоа се толкува како нејзина интервенција, што според него е „многу глупав пристап и двоен стандард“.

„Ние не се мешаат и не се противиме на внатрешната политика на Холандија, не би било и правилно. Кога Турците во Холандија демонстрираа против настаните кај нас, тоа исто така не е насочено против Холандија и вие не можете да ги спречите протестните активности. Ако има незаконски дејствија, е сосема друго прашање, никој нема право да ги гази законите на земјата. Кога Холандија и други земји наметнуваат лекции по демократија и право на Турција, тоа не е мешање во внатрешната политика на Турција. Но, кога ние имаме соопштенија за Турците во Европа, тогаш европските лидери го дефинираат ова како наше мешање во нивните внатрешни политики. Таков глуп пристап е неприфатлив. Ова е двоен стандард“, изјави Чавушоглу.

Тој повика на дијалог и партнерство со Холандија, како и со другите земји во Европа, каде што живеат милиони турски граѓани, бидејќи тоа е вистинскиот пат за надминување на проблемите.

За истото повика и германската канцеларка Ангела Меркел во интервју за телевизијата ARD, цитирана од турските медиуми.