Четиринаесет годишно девојче починало од две лименки засладен алкохолен пијалок
Објавено во: Свет 20 Март, 2018
Трагедија во Квебек, Канада. Четиринаесет годишна тинејџерка починала откако испила две лименки засладен алкохолен пијалок кој е многу популарен меѓу младите.
Министерката за здравство на Канада, Џинета Петитпас Тејлор, воведува мерка за повлекување од продажба на овие алкохолни пијалоци откако зголемен број на млади лица завршиле во болница по консумирањето на овие алкохолни пијалоци во лименка.
Доколку пак, не се повлечат од продажба, тогаш министерката бара барем да се намали пакувањето на лименката и процентот на алкохол.
Една лименка засладен алкохол во лименка содржи алкохол колку и четири чаши вино. Веднаш по смртта на девојчето, овој алкохолен пијалок е повлечен од продажба и сопственикот престанал да го произведува.