Чудесната жена им заработи милиони во кината, а ја платиле очајни 300.000 долари
Објавено во: Стил 20 Јуни, 2017
Холивудската актерка Гал Гадот која за прв ја толкува суперхероината „Чудесната жена“ на големото платно на филмското студио WarnerBros за само првиот викенд му донесе над 250 милиони долари заработка од кината ширум светот, но нејзината плата договорена уште во 2014-та изнесува очајни 300.000 долари.
Тоа докажува дека Холивуд и натаму е место каде машките филмски ѕвезди заработуваат многу повеќе, а во нив филмските студија имаат и поголема доверба дека ќе ги вратат парите на „бокс офисот“.
Со огромниот успех на WonderWoman кој испраќа позитивна порака за еманципацијата на жените се очекува и платата на Гал Гадот драстично да порасне бидејќи таа треба да се појави во уште најмалку три филмови со суперхероите на DC Comics меѓу кои и блокбастерот Justice league.
