Црна Гора: Дозволено прекршување на самоизолацијата заради гласање

Добивај вести на Viber

Граѓаните кои се во изолација или карантин и не се позитивни со вирусот корона, ќе можат привремено да излезат да гласаат на денот на изборите, во недела, 30 август, а потоа да се вратат во карантин или дома, додека оние што се позитивни и кои се се на домашно лекување можат да гласаат со писмо, како и оние што се на болничко лекување.

Ова е наведено по протоколот, кој на предлог на Институтот за јавно здравје (ИЈЗ) го донесе црногорското Министерство за здравство.

Граѓаните кои се во карантин или самоизолација поради влез во земјата или затоа што биле во контакт со потврден случај, можат да излезат во периодот од 7:00 до 20:00 часот за да остварат право на глас, со задолжително почитување на сите пропишани мерки (носење заштитни маски, физичко растојание од два метра, дезинфекција на рацете).

Гласањето е можно и за оние кои имаат позитивен ПЦР тест за коронавирусот, имаат благи симптоми или се асимптоматски и се на домашно лекување.

Тие можат да гласаат само со писмо во семејното сместување или друг објект во кој се сместени и тие се должни да ги почитуваат сите пропишани мерки за време на гласањето.

Исто така, беше решено граѓаните кои се на болничко лекување да гласаат со писмо во здравствената установа каде се наоѓаат.

Парламентарните избори на 30-ти август ќе бидат 11-ти по воведувањето на повеќепартиски систем во Црна Гора, а петти по осамостојувањето во 2006 година.

Право на глас имаат 540.026 граѓани на Црна Гора.