Дали Македонските државен и јавен долг се одржливи?

Добивај вести на Viber

Денес, FINANCE THINK - Институтот за економско истражување и политики - Скопје, на пресконференција  Дали Македонските државен и јавен долг се одржливи? Ги претстави резултатите од истражувањето “Одржливост на македонскиот државен долг“.

Со брзо растечкиот тренд на задолжување на државата, темата на одржливост на Македонскиот долг стана примарен фокус на економската дебата. Оваа анализа, со помош на економетриски модели земајќи ги предвид клучните карактеристики на Македонската економија, го проценува одржливото ниво на Македонскиот државен и јавен долг под различни макроекономски претпоставки.

Резултатите на студијата покажуваат дека, врз база на истражувања повеќе сценарија за среднорочни вредности на макроекономските варијабли кои влијаат врз динамиката на долгот, одржливите граници на Македонскиот државен долг се движат помеѓу 41% од БДП и 48,7% од БДП. Аналогно, земајки ја во предвид просечната разлика помеѓу државниот и јавниот долг границите на одржливост на Македонскиот јавен долг се движат помеѓу 51% и 51,9% од БДП.

Со ова, моменталното ниво на Македонскот државен и јавен долг се сеуште во одржливи рамки но се движат кон границата на одржливоста. Имено, иако простор за нови задолжувања постои, поголемиот дел на фискалниот простор е веќе искористен.

Главните препораки кон кои креаторите на политиките би требало да се насочат се: финансирање на исклучиво продуктивни инвестиции со висок фискален мултипликатор, целосно елиминирање на непродуктивните тековни трошења, додека растот на тековните трошења за плати во јавна администрација, пензии и социјални трансфери треба да се усогласат максимално со номиналното ниво на раст на економијата. Дополнително стабилизација на деловното институционалното и правното окружување ќе доведе до подобрување на кредитниот рејтинг, кој би довел до намалување на премијата за ризик на државата и воедно пониски каматни стапки на задолжувањата во иднина.