Дали утринскиот земјотрес е афтершок на силниот земјотрес од лани?
Објавено во: Македонија 14 Мај, 2017
Откако спласна тресењето на тлото во главниот град после ланскиот силен земјотрес, во раните утрински часови Скопјани повторно се потсетија на морниците кои ги полазија минатата година кога Скопје го погоди земјотрес кој имаше магнитуда од 5,3 степени.
Од Институтот за земјотресно и сеизмолошко инженерство велат дека земјотресот кој ги вознемири граѓаните во 4 часот и осум минути можно е да е афтершок од земјотресот од лани, пренесоа повеќе медиуми.
„Со оглед на тоа што утринава имавме потрес со магнитуда од 4,2 по Рихтер од истото епицентрално подрачје како и лани кое беше со магнитуда од 5,3 степени, јасно е дека се работи за афтершок од тој земјотрес“, соопштуваат од институтот , напоменувајќи дека епицентарот на потресот е ист.
Познавачите пак велат дека нормално е да има афтершокова активност на послаби земјотреси.