ДАЛИ ВИ СЕ ВЕРУВА: Милиони луѓе гладуваат во земјата на Ким Џонг Ун?
Објавено во: Свет 06 Март, 2019
Падна производството на храна во Северна Кореја, каде гладуваат милиони луѓе.
Обединетите нации денеска алармираа за овој проблем. Тие предупредија дека производството на храна во Северна Кореја минатата година паднало на најниско ниво во последните 10 години, односно дека милиони луѓе во земјата се гладни.
На 3,8 милиони луѓе од вкупно 25 милиони итно им е потребна хуманитарна помош, во вредност од 120 милиони долари, објави агенцијата „Ројтерс“.
Северна Кореја со децении наназад се бори со хроничен недостиг на храна поради дисфункционалниот државен систем за споделување оброци и меѓународните санкции наметнати кон земјата поради нуклеарната и ракетната програма на Пјонгјанг.
Лани Пјонгјанг повика на општа битка против големиот топлотен бран, предупредувајќи ја својата мисија при ОН во Њујорк за криза поради недостиг на храна.
Овој топлотен бран, но и бројните тајфуни и поплави, минатата година довеле до намалување на приносот од девет отсто во споредба со 2017 година.
Северна Кореја и во минатото имала сериозен недостиг од храна, а најтешко било во 1990-тите. Во тие години, иако нема официјални информаиции, се верува дека речиси десет отсто од населението умрело од глад.Земјата има кратки, дождливи лета, а секое лето има и тајфуни.
По падот на Советскиот Сојуз, проследен со неколку природни непогоди државата се соочила со голем глад, што резултирал со смрт на 900.000 до 2 милиони жители.