Денови на Канада во Скопје
Објавено во: Мои пари 28 Ноември, 2019
Во рамки на дводневните активности на Амбасадата на Канада акредитирана во Северна Македонија по повод Денови на Канада во Скопје кои се случуваа вчера и денес 27 и 28 Ноември 2019 година, се одржаа низа активности во соработка со Канадскиот Музички Центар - Полифонинија, Македонската Филхармонија, Филолошкиот факултет „Блаже Конески “, Аналитика Тинк-Тенк, Младихаб и Центар за Едукативни Совети Скопје.
Амбасадорката на Канада - Кати Ксаба, на овој настан ја истакна соработката помеѓу двете земји, како на политичко така и на економско ниво, нагласувајќи ја и улогата на дијаспората во културната размена.
Како дел од свеченоста, официјално се назначи и новиот почесен конзул на Канада во Македонија – Анета Антова Пешева. Нејзините долгогодишни успеси во економијата, ИКТ секторот, филантропските акции, општествено корисните залагања за надминувањето на половиот јаз, како и грижата за социјално и здраствено маргинизраните групи, беа препознаени од меѓународната дипломатска заедница на Канада и реализирани во понуда на титулата Почесен Конзул на Канада.
Оваа улога, доделена на жена, претставник на бизнис заедницата е во линија на глобалните каузи за еднаквост, инклузивност и еднаквост и почитување на човековите права.
Програмата на Денови на Канада во Скопје ги опфаќа следниве активности:
• 27 Ноември Канадскиот ГудачкиКвартет Молинари - концерт во салата на Македонската филхармонија.
• 28 Ноември Н.Е. Кати Чаба, Амбасадорката на Канада ќе одржи предавање на студентите на Филолошкиот факултет „Блаже Конески“ на тема „ Канада и Општеството “. Предавањето ќе се одржи на англиски и француски јазик, за да се истакне двојазичноста на Канада.
• Во четврток во 12:00 часот во просториите на Агенцијата за млади и спорт, Н.Е. Кати Чаба и Министерката за труд и социјална политика Мила Царовска, ќе ја отворат работилницата „Зајакнување на родова еднаквост во средните стручни училишта, преку едукација на младите девојки при изборот на идна професија“, дизајнирана и организирана од Аналитика Тинк-Тенк и поддржана од Канадскиот Фонд за локални иницијативи.
• Информативна сесија на тема „Студирање во Канада - можности за стипендии и Кооперативно-образовни студии “ ќе се одржи во четврток, 28 ноември во 18:00 часот, во просториите на Младихаб (адреса: Димитрие Чуповски, 7, Скопје).
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
