Детали за смртта на Тито - неговиот лекар раскажа што се случило
Објавено во: Балкан 04 Мај, 2018
Поранешниот претседател на СФРЈ, Јосип Броз Тито на апарати бил 68 дена. Храна добивал преку инфузија, а доктор Предраг Лалевиќ го исклучил од апаратите кои го одржувале во живот.
„Ни на шала не може да се рече дека сум го убил. Десет минути пред тоа беше мртов. Му немаше спас. Јас го исклучив од апаратите кои го одржуваа во животот“- изјавил некогаш Предраг, член на лекарскиот конзулијар на Тито.
По неколку години, во една германска болница, Лалевиќ проговорил дека мртов со денови го држеле на апарати.
„Мозокот му беше жив и тоа беше медицинско оправдување зошто сè до тогаш не го тргнав од апаратите“- рекол тој.
Тој цели 16 години му бил личен доктор на Маршалот.Поминаа 38 години од смртта на Тито. Веста која беше објавена на телевизија, на момент го запре животот насекаде во Југославија. Многумина плачеа поради неговата смрт. Тито на чело на Југославија беше 35 години, земјата ја излече од советскиот блок и беше еден од лидерите на Движењето на неврзани.