ДЕЦА НА БОГАТАШИ: Како е да се расте покрај родители милијардери?

Добивај вести на Viber

Синот на еден од најбогатите луѓе на светот, открива како е да се расте покрај родители- милијардери.

Питер Бафет е најмладиот син на третиот најбогат човек на светот Ворен Бафет.

Тој вели дека иако неговиот татко има милијарди, секогаш имал скромен стил на живеење.

„Додека растевме немавме поим што работи нашиот татко. Тоа ни беше навистина мистериозно. Кога сестра ми требаше да пополни образец за училиште во кој се наведуваше што работат родителите, напиша дека татко ми се занимава со анализа на безбедноста. Сите претпоставуваа дека ги проверува алармните системи“, раскажува неговиот син Питер Бафет, кој е музичар и писател.

Во домот на Бафет секогаш се живеело нормално и скромно Децата не знаеле што работи нивниот татко, ниту колку заработува. Живееле во скромна куќа со пет спални соби во Омаха, Небраска.

Било потребно да минат 25 години за Питер да сфати што точно работи неговиот татко, со оглед на тоа што не биле опкружени со богатство.

„Постепено доаѓав до сознанијата. Мислам дека имав околу 25 години кога конечно дознав. Вистината секогаш беше тука некаде, но ние не израснавме опкружени со богатство“, вели Питер.

Бафет е познат по тоа што води многу приземен, т.е. скромен стил на живот. И денес живее во иста куќа во која му растеа децата, и со задоволство има телефон на склопување отколку паметен мобилен телефон, пренесува Бизнис инсајдер.