ДИК ги објави трошоците од кампањата: Река дваесет пати поскромен од Пендаровски
Објавено во: Македонија 12 Април, 2019
Државната изборна комисија ги објави досегашните трошоци во претседателската кампања на Стево Пендаровски и Блерим Река, додека извештајот на кандидатката на ВМРО-ДПМНЕ Гордана Силјановска Давкова не бил доставен до ДИК и антикорупциската комисија во законскиот рок кој истече синоќа, но се претпоставува дека ќе стигне деновиве преку пошта.
По 10 изминати дена од кампањата, според извештајот, Пендаровски до 10 април пријавил 504 илјади евра собрани средства од кои потрошил 484 илјади. Река потрошил 25 илјади евра, односно повеќе отколку што добил - 18 илјади донирани од БЕса и Алијансата за Албанците.
Приходите на Пендаровскји се од чланарини, донации и платено политичко рекламирање. Од потрошеното, досега платено е само 145 илјади евра. Вкупниот досегашен трошок за владиниот кандидат за рекламирање е 340 илјади евра.
Ова ќе бидат први избори во кои закуп на рекламен простор ќе се се плаќа од државниот буџет.