Димитров: Ние ќе влеземе во НАТО под новото име Република Северна Македонија
Објавено во: Македонија 20 Јуни, 2018
Шефот на македонската дипломатија, Никола Димитров во вечерашното гостување на телевизија Телма изјави дека Македонија ќе влезе во НАТО со новото име.
„Во спогодбата сите овие процеси се вградени во имплементацијата. На Самитот сите земји членки ќе донесат одлука за испраќање покана за членство, а секогаш има услови што земјата што се кани треба да ги спроведе до членството и во тие услови ќе се предвиди и делот што нас ни преостанува од имплементацијата на договорот со Грција. Ние ќе влеземе во НАТО под новото име Република Северна Македонија“- вели Димитров.
Еден од условите во поканата кој ќе треба да се исполнат до конечното членство, ќе биде целосна имплементација на Договорот со Грција.