ДОДЕКА ДРЖАВАТА НЕМА АНТИКОРУПЦИОНЕРИ: Екс членови под лупа на ОЈО
Објавено во: Македонија 14 Јануари, 2019
Додека антикорупциската комисија е заглавена низ патриските негодувања и скоро десет месеци државата функционира без антикорупционери ОЈО стави под истрага двајца поранешни членови на Комисијата за спречување на корупција .
Двајцата се сомничат за злоупотреба на патните трошоци а јавноста за овој случај дозна од шефот на скопското основно обвинителство, Сашо Рајчев.
Рајчев во интервју за „Телма“ кажал дека за овој предмет обвинителство покренало истрага по допрен глас.
Притоа, Рајчев посочил дека се појавила потреба да се прегледа и финансискот извештај на Комисијата за да се утврдат евентуални неправилности во користењето на патните трошоци од страна на членовите на Комисијата.
„Извештајот беше проучен и се продолжи со проверка на целокупната документација која се однесува на евентуални незаконски исплати. Произлезе дека има потреба од вербални докази, па во моментов имаме две осомничени лица, членови на Комисијата, повикани да дадат исказ а поканата е веќе испратена“, открил шефот на скопското ОЈО.
Претходните антикорупционери се повлекоа од функциите по скандалот со бонусите и фиктивните патни трошоци кои сами си ги одобриле со интерна одлука.
На кој му одговара земјава да биде без Антикорупциска комисија? Ќе успеат ли власта и опозицијата да го стигнат рокот или ќе одиме на избори без антикорупционери?
Ова се повеќе е извесно бидејќи рокот тече а опозицијата одбива да гласа за Законот кој пал владеачката гарнитура по секоја цена сака да се избори со роковите па дури и со европско знаменце.
Законот за Антикорупциска комисија ќе има само три дена собраниска расправа, па гласање а ВМРО-ДПМНЕ е категорична дека нема да го поддржи законот во оваа форма како што е предложен.
Новиот претседател и членовите на Комисијата треба да се изберат пред 3 февруари, кога треба да се распишат изборите за иден шеф на државата.