Додик одлучи: Овие вооружени сили нема да учествуваат за Денот на РС
Објавено во: Балкан 22 Декември, 2017
Претседателот на Република Српска, Милорад Додик изјави дека вооружените сили на Босна и Херцеговина повеќе нема да бидат дел од одбележувањето на 9 јануари, Денот на Република Српска.
„Одбив било какво учество на вооружените сили на Босна и Херцеговина во одбележувањето на Денот на Републиката Српска. Не сакам веќе полемики за тоа“, вели Додик за тв К-3.
Тој наведува дека е формирана почесна линија од 50 полицајци кои ќе се постројат во чест на Република Српска со униформи кој ќе бидат применети за Денот на Републиката.
„Почесната линија ќе ја промовираме на Денот на Републиката и затоа нема да имаме потреба од Босна и Херцеговина. Секоја чест за Србите коишто се наоѓаат во овие сили, но ние не ги доживуваме како наши“, истакна Додик.
Тој нагласува дека Србите од политички причини мораат да бидат присутни во силите на БиХ.
„И понатака ќе го славиме нашиот празник, а на 9-ти јануари наредната година веќе ќе имаме и свечена академија. Ќе биде организирана манифестација во која ќе ги промовираме нашите ветерани и сето она кое го поседуваме. Сакаме народот да сфати дека РС е спремна и да се брани“, додаде Додиќ.