Доналд Трамп ќе ги прифати резултатите од изборите ... ако победи

Добивај вести на Viber

Републиканскиот кандидат за претседател Доналд Трамп изјави дека ќе ги прифати резултатите од изборите, само ако тој победи, пренесе Франс прес.

- Им ветувам на сите мои гласачи и поддржувачи, и на сите луѓе од САД дека целосно ќе ги прифатам резултатите од овие големи и историски претседателски избори, рече тој на митингот во Охајо и по долга пауза додаде: „Ако победам“.

Тој појасни дека го задржува правото да ги оспори резултатите и да активира судска постапка, ако тие се сомнителни.

Во последната дебата против Хилари Клинтон Трамп одби да одговори на ова прашање. Тогаш неговиот противник го осуди со зборовите: „Ова е ужасно“.

Во меѓувреме се појавија десетина жена кои тврдат дека биле предмет на сексуална злоупотреба од страна на милијардерот. Карена Вирџинија била фитнес инструктор, кога пред неколку години при случајна средба со Трамп тој ја допирал во областа на градите.

„Бев во шок. Му реков да се повлече, но тој ми рече: „Не знаеш кој сум јас?“ Беше ужасно“, се сеќава Вирџинија.