Добивај вести на Viber
Пратеникот и поранешен полковник, Драган Ковачки, од ВМРО-ДПМНЕ како носител на кандидатската пратеничка листа во изборната единица 3 му се заблагодари на овој регион каде што извесно е дека Гордана Силјановска Давкова ќе освои убедливо најмногу гласови по првиот круг од претседателските избори.
„Сонцето изгрева од Исток. Од Верниот Исток! Промените тргнаа! Денес Македонскиот народ се обедини и му даде црвен картон на Стево Пендаровски. Покажа дека е доста од предавствата на коалицијата СДС/ДУИ“, напиша Ковачки на социјалните мрежи.
Поранешниот офицер додаде дека на 8 мај, кога се и парламентарните избори, гласачите ќе покажеле дека „сонцето навистина изгрева од Исток“.
„А на 8 мај уште посилно ќе им покажеме каде им е местото и од каде сонцето изгрева! Благодарам Македонски народе, ние нема да ве изневериме! Македонија повторно ќе биде горда!“, додаде тој.