Државно село - живеат во куќи кои сепак не се нивни

Добивај вести на Viber

Хрватска во своја сопственост има едно цело село и тоа случајно. 

Не го барала ниту и треба, во него не инвестирала, но и не го дава. 

Крндија е единствено село во сопственост на државата. 

Се наоѓа недалеку од Ѓаково и е заложник на апсурдна ситуација, во која мештаните не се сопственици ни на куќите во кои живеат. Поради сето ова, бројот на семејствата од некогашните 300 се намали на само 24. 

Во некогашното богато село со куглана и кино, локалните жеители денес не поседуваат ништо.

„Ние тука немаме ниту една наша куќа. Тоа е се државно и германско” – вели Дамир Кијаница од Крндија.

Пред Втората светска војна Крндија била одземена од жители со германско потекло. Република Хрватска го наследила и го задржала. Селото нема канализација, водовод, тука не може да се гради, купува, продава, дури не може ни да се наследува бидејќи се е во сопственост на државата, освен црквата и месните гробишта.

Во меѓувреме населените жители тука живеат повеќе од половина век, но куќите не се реновирани затоа што не се нивни. Бидејќи се стари 80 и повеќе години, куќите почнуваат да се распаѓаат.