Двајца скопјани се степале во Охрид, едниот со нож тешко го повредил другиот
Објавено во: Македонија 02 Мај, 2020
Двајца скопјани се тепале во Охрид, по што едниот бил тешко повреден.
Инцидентот, како што пренесува Охрид Њус, се случил попладнево околу 17.30 часот во куќа на улица “Кузман Капидан”, каде дошло до физичка пресметка помеѓу две лица од Скопје. Портпаролот на СВР Охрид Стефан Димовски информирал дека во тепачката бил употребен остар предмет, а едно од лицата се здобило со тешки повреди.
Напаѓачот, кој употребил остар предмет, е приведен, а повредениот во сериозна здравствена состојба е пренесен во Општата болница во Охрид.
Истражните органи преземаат мерки за расветлување на немилиот настан.