22 Мај, 2018
0.3281
    ALK 8079.77    -0.23%     GRNT 725.79    -2.33%     KMB 4342.88    -0.71%     MPT 30833.43    2.72%     OHB 6450    -0.75%     PKB 12500    0.01%     RMDEN16 95.5    0%     RZLV 45    2.27%     RZUS 130    4.15%     STB 1013.24    -0.91%     STBP 1108.01    0.47%     STIL 132.23    -0.56%     TKVS 3990    3.22%     TNB 13500.82    -1.58%     TPLF 1606.85    2.09%     TTK 857.29    -0.32%     UNI 2420    0%     ZILU 245    2.94%

Еди Рама: Не е важно што ќе се случи меѓу нас, туку меѓу Западен Балкан и ЕУ

Објавено во: Балкан 05 Декември, 2017

„Нашето прашање не е што ќе се случи меѓу нас (на Западен балкан– н.з.), туку меѓу нас  и Европската унија“, изјави денеска во Брисел албанскиот премиер Еди Рама, отворајќи го 18. политички самит за Западен Балкан и ЕУ, организиран од стручната организација „Пријателите на Европа“, заедно со Регионалниот совет за соработка, а со поддршка од Европската комисија, УНДП, Фондацијата Конрад Аденауер и Фондацијата браќа Рокфелер.

- Европската унија е важна движечка сила за Балканот, бидејќи без нејзе регионот не би можел да ги спроведува реформите, и се што се случува е затоа што Балканот сака да биде дел од европското семјество. Ако оваа надеж избледне, работите би можеле да отидат во погрешна насока, објасни Рама на собирот наречен „Западен Балкан на раскрсница: нови предизвици, промена на динамиката“.

Генералниот секретар на Рeгионалниот совет за соработка (РСС) Горан Свилановиќ истакна дека Повеќегодишниот акционен план (MAP) за Регионален економски простор на Западен Балкан, а кој беше поддржан од лидерите на шесте земји летоска во Трст, е во центарот на разговорите и е наведен како исчекор кон заедничката цел – пристапување во Европската унија.

-Имаме план за напредок на регионот и сега треба да го спроведеме, изјави Свилановиќ, појаснувајќи дека станува збор за јасен план за подобрување на трговијата, вклучувајќи ја и трговијата со услугите, отстранување на нецаринските бариери, пронаоѓање начини за привлекување странски инвеститори, мобилност на експерти, истражувачи, иноватори, студенти и на крај, од пресудна важност – дигитализација и дигитална интеграција на регионот.

На панелот за економската соработка, како што соопшти РСС, беше изнесен податокот од Извештајот за спроведување на Сратегијата 2020 на РСС, според кој во минатата година е направен пробив во отворањето на нови работни места во шесте земји од Западен Балкан. Само во 2016 г. биле отворени 400 илјади нови работни места, и иако стореното се разликува од економија до економија, се очекува овој тренд да продолжи во оваа и во наредната година.

Генералниот директор во Европската комисија за европска политика добрососедство и проширување Кристијан Данијелсон изјави дека меѓу лидерите од Западен Балкан постои голема посветеност да се направи прогрес во реформите, со цел пристапување во Европската унија.

„Видовме промени на економските модели во во регионот кои се охрабрувачки. Потенцијалот на регионот лежи во регионалната соработка. Во блиска соработка со РСС во моментов работиме на Регионалниот економски простор, бидејќи го гледаме како силен придвижувач на растот и отворање нови работни места, што ќе донесе полза на луѓето. Не станува збор за алтернатива за пристапувањето кон Европската унија, туку за загревање за влегување во Унијата – потенцираше директорот Данијелсон.

Еден од учесниците на панелот „Мисли локлано, делувај регионално“, беше и градоначалникот на Гостивар Арбен Таравари.

Можеби ќе ве интересира

СТРАВ ВО КОСКИ: Се плашат од сограѓаните кои се бореле за ИД

СТРАВ ВО КОСКИ: Се плашат од сограѓаните кои се бореле за ИД

Бебе паднало од тереса - лекарите се борат да го спасат

Бебе паднало од тереса - лекарите се борат да го спасат

БОРБА СО „БЕЛАТА ЧУМА“: Ќе даваат пари за трето и четврто дете

БОРБА СО „БЕЛАТА ЧУМА“: Ќе даваат пари за трето и четврто дете

Катругалос: Eдно прашање влијае на друго и затоа не можеме со сигурност да говориме за договор

Катругалос: Eдно прашање влијае на друго и затоа не можеме со сигурност да говориме за договор

Изречени „пеколни“ казни за обидот за државен удар во Турција

Изречени „пеколни“ казни за обидот за државен удар во Турција

Има уапсени за ќотекот на Бутарис

Има уапсени за ќотекот на Бутарис

Бутарис нападнат и заради Македонија?

Бутарис нападнат и заради Македонија?

НЕКОЛКУ ДЕСТИНАЦИИ: Каде е најскапо, а каде најевтино за летување?

НЕКОЛКУ ДЕСТИНАЦИИ: Каде е најскапо, а каде најевтино за летување?

Зошто косовски град е во карантин?

Зошто косовски град е во карантин?