21 Февруари, 2020
0.0174

Ексклузивно за Фактор од Давос: Форумот „окупиран“ од Американци

Објавено во: Економија 21 Јануари, 2020

Со безбедност на највисоко ниво и во насока на климатските промени и нивното во иднина финансиско влијание врз нашиот живот започна првиот ден на Давос.

Хотелот Интерконтинентал беше главното место поради настанот на магазинот „Time“ за 100 највлијателни луѓе во светот. Претседателот Трамп и неговиот тим се исто така сместени во Интерконтинентал, а во лобито може да се забележат членови од неговиот најблизок тим.

Како што изјави и претседателот на Р. Србија, Александар Вучиќ, Давос навистина оваа година е окупиран од Американци.


Покрај настанот на магазинот „Time“  бев гостин и на конференцијата за „Инвестиции во нови технологии“ од каде би сакала да пренесам неколку пораки. Финансиските експерти и инвеститори од најголемите куќи и приватни фондови како американецот Мекмилан, и сопственикот на Икеа се насочени кон инвестиции во корелација со климатските промени, но првенствено носат голем поврат на инвестиција. На сопственикот на Икеа му го поставив прашањето „Дали е навистина општествено добро ако првично гледаме колкав е повратот на инвестиција?” на што тој ми одговори „Ако нема повраток на инвестиција тогаш треба да го затвориме фондот.”

Со сопственикот на Ајакс инвестиции, за кои се верува дека се највисоко рангирана инвестициска компанија во однос на инвестиции кои се одржливи и имаат позитивно влијание врз општеството разговаравме за факторите на кои се фокусираат инвеститорите при селекцијата. Она што тој ми го посочи како фактор еден при оцена е дали е дел од дваесет и четирите цели на Обединетите Нации за одржливост. После тоа оценката се базира на податоци, регулации во земјата каде се инвестира и трошокот на капитал.

Други интересни моменти кои сметам дека се интересни да се споделат со читателите во прилог:

Џеф Безос е главен инвеститор во нов вид на апче „Unity” за кое се верува дека ќе го продолжи животот за 25 проценти.

„Инвестирај во Саудиска Арабија” и бројни штандови со претставници на владата може да се сретнат на секое ќоше на Форумот. Одличен пример на вистинско место во вистинско време, Арапите навистина знаат како да го искористат Давос за привлекување нови инвеститори.

Се запознав со Ариф Кан, основач на „Althea Artificial Intelligence” кои воедно и ќе бидат наши гости на годинешниот Балкански претприемачки самит во септември. Она што тие го прават преку вештачка интелегенција е да го рекреираат гласот на некој дури и 100 години од сега. Како што изјави Ариф „Сите ние имаме баба и дедо кои денес не се со нас, но преку платформата на Althea можеме да го рекреираме нивниот глас и да го имаме како наследство за идните генерации“.


И за крај би сакала да завршам со нешто исто така интересно, не знам колку од вас имале можност да ја посетат Јордан, земјата позната по историскиот град Петра и мртвото море, но Јордан е исто така и една од најсиромашните земји во светот. Оваа земја влегува во партнерство со рускиот стартап „Vimana“ кој до сега има собрано 10 милиони евра инвестиции за развој на авиони-дронови со целосни инсталации како посебни дронодроми. 

За Фактор од Светскиот Економски Форум во Давос, Аријана Коскарова, Форбес под 30 и спикер на годинешната конференција во Давос


Можеби ќе ве интересира

Колку пари има во бизнисот со продажба на очила за сонце

Колку пари има во бизнисот со продажба на очила за сонце

Македонска приказна како од Силиконската долина: Кодвел поместува граници во вештачката интелигенција

Македонска приказна како од Силиконската долина: Кодвел поместува граници во вештачката интелигенција

Зетот на Минчо Јорданов поставен за генерален директор на „Бетон“

Зетот на Минчо Јорданов поставен за генерален директор на „Бетон“

НАТО ќе донесе инвеститори во земјава ама ќе нема кој да работи

НАТО ќе донесе инвеститори во земјава ама ќе нема кој да работи

УТРИНСКИ ФОКУС: Како ТТК банка направи профит од 1,8 милиони евра

УТРИНСКИ ФОКУС: Како ТТК банка направи профит од 1,8 милиони евра

Објавен јавниот повик за јавно-приватно партнерство за Чебрен: Приватникот ќе обезбеди 570 милиони евра

Објавен јавниот повик за јавно-приватно партнерство за Чебрен: Приватникот ќе обезбеди 570 милиони евра

БЕГСТВО ОД БРИТАНИЈА: Брегзит ги пресели компаниите во оваа земја

БЕГСТВО ОД БРИТАНИЈА: Брегзит ги пресели компаниите во оваа земја

Одлична 2018 година за ТТК Банка-направи профит од 1,8 милиони евра

Одлична 2018 година за ТТК Банка-направи профит од 1,8 милиони евра

ТТК банка покажа како се заработува во силна конкуренција

ТТК банка покажа како се заработува во силна конкуренција