Епидемијата не запира: Нови случаи на морбили
Објавено во: Македонија 11 Јануари, 2019
Не престануваат да се шират морбилите во главнио град.
Нови седум деца се примени на Инфективната клиника во главниот град со симптоми на мали сипаници.
Како што пренесуваат дел од медиумите, децата, на возраст од две години се од скопската населба Ново Лисиче и одат во иста градинка, од која досега заболеа вкупно осум деца кои не примиле МРП вакцина.
Од 16 декември се примени 22 луѓе, од кои 13 се хоспитализирани, додека девет се пуштени на домашно лекување. Најмладиот пациент е бебе од осум месеци, а најстариот има 33 години.
Од прогласувањето на епидемијата мали сипаници на територијата на Скопје, 2 јануари, досега се вакцинирани 1692 деца, а само вчера 85 од нив.
Министерството за здравство уште еднаш ги повика родителите да ги вакцинираат децата, наведувајќи дека има доволно вакцини и дека сите имаат добар рок на траење.
Анализата на здравствени картони, по појавата на првите случаи во половината на декември, покажа дека во Скопје против мали сипаници не се вакцинирани околу 15 000 деца помлади од 16 години.