ЕРДОГАН Е УВЕРЕН ДЕКА ПОЖАРИТЕ СЕ ПОДМЕТНАТИ - во Турција приведено осомничено лице
Објавено во: Свет 01 Август, 2021
Турскиот претседател Реџеп Таип Ердоган вчера вечерта објави дека е приведено лице кое може да стои зад серијата пожари во земјата.
„Едно лице е приведено во врска со пожарот во Милас. Наша обврска е да ги најдеме одговорните за палењето на шумите“, рече Ердоган на прес -конференција во Мармарис, пренесува ТАСС.
Тој не го откри името или мотивите на осомничениот, но рече дека се сомнева дека лицето е поврзано со пожарот кај градот Милас во провинцијата Мугла.
Наводниот пироман бил приведен во Манавгат, Турција.
На социјалните мрежи се појави видео за кое се тврди дека вклучува апсење на пироман. На видеото се гледа како луѓето се обидуваат да погодат и фрлаат камења по приведениот маж.
„Темелно ги истражуваме причините за пожарот. Ако има такви предавници кои можат да ја запалат својата татковина, ќе се соочат со строга казна“, рече Ердоган.
Извор: Блиц.рс