Нема пасоши за Украинци кои бегаат во странство, се зголеми бројот на граничари

Добивај вести на Viber

Околу 300 Украинци го блокираа своето конзуларно претставништво во Варшава, барајќи пасоши кои им беа одбиени според новите правила за мобилизација на Киев, пишува Раша тудеј.

Мажите на возраст меѓу 18 и 60 години повеќе не можат да добијат никакви документи во конзуларните претставништва надвор од Украина, објави украинското Министерство за надворешни работи претходно оваа недела. Министерот за надворешни работи Дмитриј Кулеба потврди дека ја наредил мерката, чија цел е да ги принуди бегалците да се вратат и да бидат регрутирани во армијата.

Во средата навечер, неколку стотици Украинци го затворија центарот „Документ“ во Варшава, кој се наоѓа во трговскиот центар Блу Сити.

Според проценките на Евростат, околу 4,3 милиони Украинци живееле во земјите на ЕУ од јануари 2024 година. Околу 860.000 од нив се военоспособни.

Украинскиот парламент во средата гласаше за додавање на 15.000 граничари, наведувајќи го како причина зголемениот број на Украинци кои се обидуваат да ја напуштат земјата. По проширувањето, службата ќе има 75.000 граничари, вклучувајќи 67.000 вооружени чувари.

Украинската влада донесе одлука со која дополнително ја заострува мобилизацијата, па во иднина пасоши на воено способни мажи ќе може да се издаваат само во земјата, пренесува Хина.

Новата регулатива е објавена откако шефот на дипломатијата, Дмитро Кулеба, до 18 мај  ги суспендираше конзуларните услуги за лицата кои ги исполнуваат условите и притоа ги критикуваше оние Украинци кои се наоѓаат  во странство за тоа дека не служат во војната против Русија.

Последната владина одлука предвидува пасоши да може да им се издаваат на мажи на возраст од 18 до 60 години и тоа само во Украина.

„Престојот во странство не го ослободува граѓанинот од неговите обврски кон татковината“, напиша тој на X.