ЕВРОСТАТ: Во кои земји младите имаат најлошо домување?
Објавено во: Економија, Свет 19 Октомври, 2016
Најлошо живеат Бугарите, Романците, Унгарците и Пољаците.
Повеќе од половина од младите Бугари, околу 58% во возрасната граница од 15 до 29 години живеат во лоши станбени услови, во пренатрупани доми или плаќаат висока цена за домување, покажуваат податоците од анализа на Еуростат за квалитетот на домувањето во ЕС- 28 минатата година.
Слично е кај младите во Романија, каде што 69% од младите Романци од 15 до 29 години живееле во пренатрупани домови.
Во услови на пренаселеност и криза за станбена површина биле исто така повеќе од половина од младите луѓе во Унгарија, Полска, Хрватска, Словачка и Латвија.
Најдобри станбени услови имале младите во Белгија, Холандија и Финска, каде едвај помеѓу 2 и 5% од возрасната категорија од 15 до 29 години имале било какви станбени проблеми и тешкотии.
Анализата на Евростат наведува дека минатата година во ЕУ имало околу 90 милиони млади луѓе на возраст од 15 до 29 години или 17,7% од населението на ЕУ-28.