ФАКТОР НА ДЕНОТ: Почина девојче во битолската болница, родителите обвинуваат за лекарска грешка
Објавено во: Македонија 23 Март, 2023
ПОЧИНА ДЕВОЈЧЕ ВО БОЛНИЦАТА ВО БИТОЛА
Семејството на девојчето од Кравари кое почина во битолската болница бара одговорност од лекарите.
„Ќерка ми Јана почина зашто лекарите ѝ дадоа гликоза после што ѝ се крена шеќерот на 19“, вели за „Слободен печат“ Стојче Христовски, од селото Кравари.
Неговата ќерка почина во битолската болница вчера, на возраст од 6 години.
„Температура немаше кога ја однесовме во болница, туку само претходниот ден па и дадовме сируп, и падна температурата. Ноќта си спиеше. Наредниот ден, матичниот лекар бил втора смена па ја однесовме сабајлето во болница. Сабајлето пред болница, рече дека ја болат ножињата и поврати шлајм на градите. Ми се јави сопругата, не нашла матична па ќе ја носиме во болница. Си влезе Јана во кола со одење, влеговме во болница. Отидовме во амбуланта на детско одделение. Шеќерот и го мереа и беше 9 иако нема дијабетес. Рекоа дека од што повратила, шеќерот и се качил на 9. Во меѓувреме и дадоа гликоза. И рековме на докторката дека шеќерот и е 9, таа рече „нема гајле“. Па и дадоа една инфузија чиста гликоза и тоа го гледаше сопругата која беше во иста соба со чупето“, раскажува Христовски за „Слободен печат“.Откако состојбата на девојчето се влошила, како што раскажува тој, персоналот го фатила паника.
ОСМАНИ ДОБИЛ ЗЛАТЕН АЈФОН ВО ЈОРДАН?
Министерот за надворешни работи, Бујар Османи, при посетата на Кралството Јордан, добил златен „ајфон 14“ со дијаманти на крајот на октомври минатата година.
Ова го дознава „А1он“ од високи дипломатски извори, а информацијата вели дека и другите дипломати кои го придружувале министерот добиле подароци - златен накит. Од МНР не ја потврдуваат информацијата веќе три дена.
БЕРБОК СО ПОВИК ЗА УСТАВНИ ИЗМЕНИ
Аналена Бербок, германска министерка за надворешни работи, која денеска ќе престојува во посета на Северна Македонија, пред пристигнувањето во Скопје порача дека очекува широка поддршка во парламентот за уставните измени и тргање настрана на партиските интереси.
ЧИТАЈТЕ УШТЕ
Изградбата на интерконекторот за пренос на природен гас до границата со Грција поскапува за 10 милиони евра, дознава „Фактор“. Овие средства ќе се бараат дополнително од меѓународниот кредитор со репрограмирање на долгот.Домашните деловни банки и трите приватни задолжителни пензиски фондови на државата и позајмиле 1,84 милијарди евра, а тоа е 80 отсто од целиот јавен долг на домашниот пазар.