ФАКТОР НА ДЕНОТ: Протести имаше во Скопје и Неготино поради прегазувањето на Фросина Кулакова

Добивај вести на Viber

ПОРАДИ ПРЕГАЗУВАЊЕТО  НА ФРОСИНА ИМАШЕ ПРОТЕСТИ ВО СКОПЈЕ И ВО НЕГОТИНО

Неготинци се простија од нивната сограѓанка Фросина Кулакова, која завчера беше прегазена на пешачки премин во Скопје. Родителите, роднините, пријатели, другарки со протест на плоштадот во Неготино ја испратија младата Фросина на вечното почивалиште. 

Стотици млади луѓе денеска излегоа на протест во Скопје, поради прегазувањето на Фросина Кулакова завчера на Партизанска. 

Тие бараат затвор за момчето кое ја прегази. 

Јавноста е бесна затоа што возачот бил пијан, го возел автомобилот без возачка дозвола и претходно институците го гонеле поради дрога. 

КРИВИЧЕН СУД СЕ ИЗЗЕМА ОД ОДГОВОРНОСТ

Во однос на повеќе новинарски прашања поврзани со сообраќајната несреќа
на булеварот Партизански одреди во која го загуби животот мчладата 22 годишна Фросина, и за што денеска има протести, се огласија од Кривичнот суд. 

Од овој нивни текст може да се насети дека тие прстот можеби го вперуваат кон Апелациониот суд, но во секој случај сакаат да се оправдаат и да се изземат од одговорност со тоа дека младиот возач кога бил пратен во дом бил млад и под 20 години, па биле земени предвид и правата на децата. 

ЈЗУ Универзитетска клиника за респираторни заболувања кај децата Козле се соочува со, како што тврдат од институцијата, оркестриран политички напад. Директорката на Клиниката, д-р Каролина Симоновска, посочува дека секое лекарско однесување кое е надвор од медицинската етика, особено при хируршки зафат врз малолетно лице, мора да биде санкционирано за да се избегнат потешки последици.

„Јавноста треба да знае дека секое лекарско однесување надвор од лекарската етика, а особено при извршување на оперативен зафат на малолетно лице, мора да се санкционира како не би настанале полоши последици за кои потоа доцна би било каква реакција. Дрското однесување и попречување на работата е недозволено и мора да биде санкционирано без оглед за кого се работи. Цел стручен колегиум стои на таа одлука. Клиниката работи по закон и спроведува законски прописи“, изјави д-р Симоновска.

АДМИНИСТРАЦИЈАТА НА ТРАМП ЌЕ ДЕПОРТИРА 341 МАКЕДОНЕЦ

Администрацијата на Доналд Трамп планира да депортира 341 лице во Македонија Оваа бропјка се најде на списокот со земји што го објави „НЕКСТА“, кој покажува дека има 1.445.549 жители на САД кои се очекува да бидат депортирани во нивните земји.

Администрацијата на Трамп најави построга емиграциска политика.  САД во меѓувреме продолжува со апсења и депортации на мигранти без дозвола за престој - и покрај сите критики од активистите за граѓански и за човекови права. 

ЧИТАЈТЕ УШТЕ

Јавното претпријатие „Државни патишта“ во програмата за работење за 2025 испланира вкупно 150 милиони евра за „Бехтел и Енка“, изведувачот на автопатските делници од Коридор 8 и Коридор 10Д.

Добивката на НЛБ Банка за 2024 година изнесува 53,6 милиони евра и во споредба со претходната година книжи раст од 2,4 отсто. Вкупните оперативни приходи на НЛБ Банка лани изнесувале 113 милиони евра, а вредноста на активата пораснала за 12,7 отсто и достигнала 2,13 милијарди евра

Ќе биде ли успешен денешниот бојкот на продавниците и какви ефекти ќе донесе истиот. По минатонеделниот бојкот во Хрватска, апели за бојкот на маркетите се споделуваа низ социјалните мрежи и за денеска и тоа за скоро сите поранешни југословенски земји.

Како што и доликува на издавач на хартии од вредност чии акции се на суперкотација на Македонската Берза, Комерцијална банка вчера го објави својот финансиски резултат за минатата година, заедно со детално образложение, односно коментар на бројките во нејзините биланси, но и ја „испука“ веста што многумина ги интересираше, а таа е колкава дивиденда ќе добијат на своите конта акционерите на банката. 

фото Вангел Тануровски