Филипче и здруженијата на хронично болни се договорија: До 23.септември е рокот да добијат потврда од лекар специјалист за здравствената состојба
Објавено во: Македонија 10 Септември, 2020
Министерот за
здравство Венко Филипче на денешната средба со претставници на повеќе здруженија
чии членови се пациенти со хронични болести се договориле најдоцна до
23.септември да посетат лекар специјалист и да добијат потврда дали и понатаму
нивната состојба накожува да останат дома, а не да се вратат на работа.
За да не настат гужви во однос на закажувањата кај специјалистите од разни области, министерот Филипче најави дека ќе има дополнителни термини за „МојТермин“.
Министерот претходно најави дека дел од хронично болните пациенти и понатаму може да останат дома, но нема да ја користат владината мерка, односно да земаат цела плата, туку, доколку нивната здравствена состојба децидно наложува да не доаѓаат на своите работни места, ќе се водат дека се на боледување.
Владата на вчерашната седница ја донесе одлуката врз основа на препораката од Комисијата за заразни болести, вработените лица што се ослободени од работа врз основа на утврдената листа на хронични болести да се вратат на своите работни места и на редовно извршување на работните задачи.
-Исклучок од ова ќе бидат само лицата (пациенти) кај кои болеста е во фаза на влошување и за оние со малигна болест, за кои ќе биде дадена потврда со наод и мислење од лекар специјалист, врз основа на која потврда овие лица ќе користат боледување, беше наведено во владиното соопштение.
А.Б.