Фирма се повлече од предлогот за стечај на Трансмет
Објавено во: Економија 03 Јануари, 2019
Кумановската фирма за работа со механизација, Кооп Инженеринг, го повпече предлогот за отворање стечајна постапка над градежната компанија Трансмет, објави Основниот суд Скопје 2.
Кооп Инженеринг претходно предлогот го поднесол како доверител кон должникот Трансмет, иако не е познато какви обврски не биле исполнети.
Трошоците за досегашната постапката ги поднесува предлагачот и се укинува мерката за обезбедување привремен стечаен управник определена како и сите други мерки предвидени во самото решение.
Инаку голем дел од недвижниот и движен имот на Трансмет е замрзнат, односно обезбеден од страна на СЈО по првостепената пресуда за случајот „Труст“.