ФОКУС НА ДЕНОТ: СДСМ и ДУИ заедно ќе трчаат на претседателски, Села и Бајрам се бунат за пратенички прашања
Објавено во: Македонија 27 Февруари, 2019
Претседателот на ДУИ, Али Ахмети на Фејсбук напиша дека со лидерот на СДСМ, Зоран Заев, успеале да се договорат за заеднички кандидат за претстојните претседателски избори.
„Само што ја завршив средбата со претседателот на СДСМ, со кого се договоривме да поддржиме заеднички кандидат за претседател на Република Северна Македонија. Изразувам убедување дека овој концепт ќе добие поддршка од мнозинството од нашите граѓани“, напиша Ахмети на социјалната мрежа.
Двајцата коалициони партнери попладнево остварија средба во Собранието.Зијадин Села, лидерот на Алијансата за Албанците, се закани дека ќе ги опструира следните пратенички прашања доколку не и се дозволи на албанската опозиција во Собранието да биде меѓу првите на списокот што ќе ги поставуваат до владините функционери.
Тој се побуни дека е на 17 позиција на списокот за поставување на пратенички прашања и рече дека следниот пат ако треба ќе нема седница, доколку опозицијата не биде погоре на листата, додавајќи дека сето ова е направено намерно со цел да се сокријат последните случувања во Парламентот.
Во Собранието денеска пратеникот Амди Бајрам се пожали дека не може да дојде до збор за пратенички прашања. Тој беше на 16. место на листата за поставување прашања до министрите во Владата.
„Јас имам прашање до МВР и до Јавниот обвинител. Две седници се мачам да го поставам и не можам да дојдам на ред. Бидете хуманитарни, дозволете ми да поставам прашање. Па јас ве поддржувам овде, ценете ме и вие еднаш мене. Ако сакате, па да си дадам оставка“– вели Бајрам.
Потпретседателот на Собранието, Горан Мисовски, му одговори на Бајрам дека поставил прашање на претходните седници.Унгарските власти ја запреа истрагата за екс-премиерот во бегство, Никола Груевски, пренесува унгарскиот портал 444.ху.
Утврдено е дека Груевски имал валидни патни документи на унгарско-српската граница и на останатите гранични премини. Тоа значи дека влезот на Груевски во Шенген зоната е во согласност со сите закони.
Кај Груевски немало никакво незаконско преминување на границата, пишуваат унагрските медиуми.
Можеби ќе ве интересира
АНГЕЛОВ НАЦРТА ЦРТЕЖ ЗА БУЈАР ОСМАНИ: „Според Бујар Османи токму тој едниот Албанец од ДУИ е клучен“
ТРИ СТЕПЕНИ ГО ТРЕСЕА НОЌЕСКА СКОПЈЕ: Земјотресот потврден и од Сеизмолошка опсерваторија на Македонија
ГРАДОНАЧАЛНИЧКАТА ДАНЕЛА СЕ РЕКЛАМИРА НА КАМИОНИ: Низ Скопје провозе камион со налепници на партијата на Арсовска
СПАСУВАЧКА ДРАМА НА ЦУК: Повозрасно лице се изгубило на Плачковица, спасителите од „Осогово“ Кочани го најдоа во еден часот утрината
„ПО ВТОР ПАТ СТАНУВАМ СРЕЌЕН СВЕКОР“: Љупчо Бујото доби уште една снаа
ЈАНКУЛОВСКА СЕ ПОДГОТВИ ЗА ВЕЛИГДЕН: Ги покажа велигденските јајца но и тортата што ја направила
ЗЕМЈОТРЕС ВО СКОПЈЕ: Не се знае колку степени беше, но дел од граѓаните велат бил значително силен
ДВЕ ЛИЦА ЗАГИНАА ВО СООБРАЌАЈКА НА ПАТОТ РАДОВИШ - ШТИП: едно лице е хоспитализирано
ГИ ИЗГРИЗАЛО КАБЛИТЕ ЗА ИНТЕРНЕТ - куче кое пропаднало во шахта ги остави без мрежа „Филип Втори“ и „Букурешт“
