(ФОТО) ЕВЕ КАКО ИЗГЛЕДА ЕДНА МИТОЛОВКА, А КОЛКУ Е ЦЕНОВНИКОТ ЗА „РУШВЕТ“ - герила акција во центарот на Скопје
Објавено во: Македонија 09 Декември, 2022
Во контекст на денешниот Светски ден на борба против корупцијата, направена е герила поставка во центарот на градот, конкретно на аголот меѓу Ленинова и Партизнски одреди.
На билбордот кој е поставен и кој е наречен со хумористично име „Митовник“, стои со конкретни износи колку чини „рушветот“ за одредени услуги и потреби во македонското општество, а на втората поставка која е наречен „Митоловка“ се симболизира како би изгледала таква направа, со поставени лажни евра, а е многу слична на стапица за глувци или „Мишоловка“.
Како што е познато, во земјава е најавен тим од американски експерти кои треба да работат на откривање корупција кај високи функционери, а британскиот амбасадор во земјава Метју Лосон денеска алармираше дека состојбата со корупцијата во Македонија се влошува, а не се подобрува.