(ФОТО) Меркел направила селфи со бомбашот самоубиец од Брисел?

Добивај вести на Viber

 Фотографија на германската канцеларка Ангела Меркел со мигрант, ги запали социјалните мрежи, поради неговата неверојатна сличност со терористот од нападите во Брисел.

Човекот од бегалскиот камп во Берлин многу личи на бомбашот самоубиец Наџим Лахрави кој се разнесе во вторникот на аеродромот во Брисел.

Според белгиските власти, Наџим Лахрави влегол во Германија преку соседна Австрија од Унгарија со автомобил „мерцедес“ на 9-ти септември 2015 година, заедно со Салах Абдеслам главниот осомничен за терористичките напади од 13-ти ноември 2015 година во Париз кога беа убиени 130 луѓе.

 Пограничните контроли ги минал користејќи лажни патни исправи на име Суфијан Кајал. Германската канцеларка Ангела Меркел бегалскиот камп во Берлин го посети на 10-ти септември 2015 година, што значи дека 25-годишниот Лахрави навистина можел да се фотографира со неа.

 По посетата на кампот во Берлин, од ланската есен во медиумите и на социјалните мрежи беа објавувани мноштво фотографии и селфи снимки на насмеаната Меркел како позира во прегратки со бегалците и имигрантите. Уште тогаш тоа предизвика жестока дебата во германската јавност дека ќе биде сфатено како јасен повик тие уште помасовно да доаѓаат во Германија, која минатата година прими околу 1,1 милиони баратели на азил.