ФОТО+ВИДЕО: Путин го покажа календарот за 2017 - какви пораки праќа?

Добивај вести на Viber

Фановите на рускиот претседател, Владимир Путин можат да ја поминат целата следна година со нивниот омилен политичар кој го промовираше календарот за 2017 година. 

Продавниците во цела Русија се подготвуваат за продажба на годишниот календар на Путин. Се очекува тој да биде најпродаван подарок за Божиќ во Русија оваа година.

Во календарот рускиот лидер на една слика е со маче, на друга со дете, а на трета - на кран. Има и слика на коњ и во кабината на руски борбен авион.

Под секоја слика има тематски коментар на рускиот претседател.

На сликата за август Путин е со жетварите и зборува за реколката од пченица и ја нагласува важноста на леб за рускиот народ.

При фотографијата на која е пилот на борбен авион (месец ноември), пишува дека целта е да се формира армија, која ќе гарантира на Русија суверенитет и стабилен мир.

На сликата за декември Путин малку потсетува на мафијашки кум, пишуваат медиумите. 

„Русија е мирољубива земја.. не ни требаат туѓи територии, не ни требаат туѓи природни ресурси, но ако сме загрозени, подготвени сме да употребиме оружје заради сопствената безбедност“- пишува на календарот.

Сличен календар Путин објави и лани, но тогаш се гушкал со кучиња, мирисал цвеќе и вежбал.