Францускиот буџет во загуба од една милијарда евра
Објавено во: Свет 02 Јануари, 2013
Неколку дена по отфрлањето на законот за 75 отсто оданочување на личните примања повисоки од еден милион евра од страна на Уставниот совет на Франција, проценките велат дека тоа ќе го чини францускиот буџет околу една милијарда евра.
Владата од своја страна тврди дека неприфаќањето на овај данок и другите буџетски одредби ќе чини само 500 милиони евра, додека самиот данок од 75 проценти ќе доведе до намалување во приливот на буџетот на околу 100 до 200 милиони евра. Многу поскпо ќе чини укинувањето на одредбата за ретроактивноста на прагот од кој се плаќа данок врз приходите од дивиденди во 2012 година, кој ќе го чини буџетот 400 милиони евра. Додека укинувањето на членот од законот за добивка на недвижен имот кој ќе го намали буџетот за 180 милиони евра.
Францускиот претседател Франсоа Холадн, исто како и премиерот Жан-Марк Ејро, најавија дрека владата ќе работи за воведување на данокот од 75% врз личните примања од над еден милион евра во согласност со принципите на Уставниот совет. Данокот од 75 отсто според ветувањата на Холанд би требало да биде воведен во текот на 2013 година.