Гардијан: Силно лобирање за ГМО храната од страна на САД

Добивај вести на Viber

Aгресивна кампања за лобирање за генетски модифицираната храна во Европа и други земји пишуваат спровеле САД, а пишува британски  „Гардијан“. Дека американските законодавци лобирале во странство за да ги промовираат ГМО посевите, како сојата откриваат преку 900 американски депеши од официјалната преписка на Вашингтон.

Според групата „Фуд енд вотер воч“ во  900-те дипломатски документиобјавени на  Викилис откриена е внимателно смислена кампања за кршење на отпорот кон ГМО во Европа и промовирање на големите американски компании од земјоделскиот сектор.

 „Гардијан“ пишува дека во Европа и во другите земји се спроведени разни стратегии, организирани се семинари за новите биотехнологии и прес-конференции со цел научниците, медиумите, земјоделците, претставниците на властите и генерално „големите играчи“ во таа гранка од стопанството да се убедат дека генетски модифицираните производи се безбедни и корисни.

Потезите на Стејт департментот задираат и на правен терен, наведува групата, додавајќи дека официјални претставници на САД во странство се противеле на јасното одбележување и забраната на увозот на ГМО производи. Во извештајот на групацијата се наведува дека во депешите во околу седум отсто од случаите се именуваат одредени компании, а во шест отсто токму Монсанто.

„Особено ме загрижува фактот дека има толку многу депеши во врска со измените на законите и прописите во бројни земји. Наместо да се сосредоточат на безбедноста и промовирањето на демократијата, тие се фокусираат на вршењето притисок врз странски влади,“ посочи извршната директорка на „Фуд енд вотер воч“, Венона Хаутер.