Газдите сами ги отстрануваат платформите и летните тераси во Охрид
Објавено во: Македонија 28 Септември, 2019
Некои од сопствениците на угостителските објекти на Охридското крајбрежје, вчера сами почнаа да ги отстрануваат нелегално подигнатите платформи.
Од општината велат дека кога општинските инспектори пристигнале на терен со цел да ја отпочнат акцијата, затекнале дел од угостителите како веќе ги уриваат диво подигнатите платформи. Сопствениците го искористиле законското право и побараа од општината рок кои истече денеска за сами да ги отстранат платформите.
Сопствениците на ресторани и кафулиња на потегот од градското пристаниште во Охрид до Свети Јован Канео, сами почнаа со отстранување на дивоизградените платформи и летни тераси.