ГЕРМАНЦИТЕ ПРЕДУПРЕДУВААТ: Можен е судир меѓу Хрватска и Словенија

Добивај вести на Viber

Германскиот весник Ханделсблат пишува дека е можно набрзо да се случи судир меѓу Хрватска и Словенија поради Пиранскиот залив, што може да има оружени карактеристики. 

Весникот наведува дека не е исклучена и употреба на полициска сила.

Според весникот,  сите сигнали укажуваат дека следува „бурен период“ во хрватско-словенечките односи поради Заливот и дека не е исклучен ниту оружен судир.

Словенија планира да почне реализација на пресудата од Арбитражниот суд, според која на државата ѝ припаѓаат две третини од  заливот.

Хрватска ќе се спротивстави имајќи предвид дека арбитражата ја смета за ништовна.

Словенечкиот премиер, Миро Церар најави дека Љубљана, кон крајот на неделава, кога истекува рокот за договор со Загреб, ќе ја почне примената на арбитражната пресуда за границата во Пиранскиот залив, и покрај тоа што Хрватска одбива да ја прифати донесената одлука. Церар рече дека не очекува да има инциденти доколку, граничната линија што е определена со арбитражниот договор биде почитувана од страна на Хрватска.

„Спроведувањето на арбитражната пресуда е меѓународна обврска на Словенија и Хрватска, тоа не е нешто за што можеме да одлучуваме туку мораме да ја спроведеме“- нагласи Церар. 

Тој  ја известил хрватската Влада дека Љубљана е подготвена за спроведување на арбитражната одлука, како и дека се подготвени сите потребни акти за таа постапка да може да почне на 29 декември.

Хрватскот премиер, Андреј Пленковиќ, изјави во саботата дека Загреб во односот со Љубљана по прашањето за граничниот спор го „штити она што е хрватско“.

Коментирајќи ја намерата на Словенија, од 29 декември да ја спроведе одлуката што Хрватска не ја признава, Пленковиќ изјави дека „нема еднострано спроведување на каква било пресуда“, како и дека на Љубљана и на партнерите од  меѓународната заедница им е посочено дека во „вакви ситуации наважно е да се избегнуваат еднострани чекори кои можат да доведат до инциденти“.