Германија ќе изгуби 1 милион работни места при лоша зделка за Брегзит
Објавено во: Свет 10 Март, 2017
Околу 1 милион работни места може да изгуби Германија во областа на автомобилскиот сектор, ако Ангела Меркел не и предложи на Британија добра зделка за излез од структурите на Европската унија. Ова го изјавил британскиот политичар Иан Данкин Смит.
Според поранешниот лидер на ториевците пред Обединетото Кралство има добри опции за излегувањето од Заедницата.
„Велика Британија многу брзо треба да идентификува залог на секоја нација во оваа игра. Број еден за политичарите се работните места“, истакнал Смит.
„Што ќе се случи со овие 1 милион вработени во Баварија, кои се на работа, бидејќи продаваат голем број на автомобили на Велика Британија“, коментира тој.
Според зборовите на британскиот политичар работниците ќе бидат револтирани дека е завршено со нивната работа, поради одбивањето за договор со Велика Британија.