Германија ќe им плаќа на бегалците за да си заминат
Објавено во: Свет 28 Февруари, 2017
Германија почнува да им плаќа на бегалците, за да си заминат.
Веста беше соопштена уште на почетокот на месецот, но веќе станува факт, тврдат светските агенции.
Претходно Worldtribune.com соопшти дека земјата прави посебен фонд во кој се издвоени 90 милиони евра од парите од даноци. Тие ќе бидат употребени да ги покријат трошоците на мигрантите кои доброволно ќе ја напуштат Германија и ќе се вратат во земјите од каде што дошле.
Во 2016-та година 55 000 лица доброволно се вратија во своите родни места. Тоа е зголемување во однос на една година претходно, кога истото го направија околу 35 000 луѓе.Усвоената програма за финансирање на мигранти кои ќе си одат, е од ноември 2016-та година.
Таа е насочена само кон граѓани кои пристигнале во Германија од 11 држави во кои нема вооружени конфликти.
Меѓу нив се Тунис, Мароко, Нигерија, Косово, Србија и Албанија.