Град Скопје назначи нов директор на „Водовод“
Објавено во: Македонија 28 Декември, 2021
Град Скопје го назначи Златко Перински за нов в.д. директор на ЈП Водовод и канализација Скопје на местото на ДУшко Весковски, кој вчера си поднесе оставка.
„Перински е магистер по менаџмент за човечки ресурси со менаџерско искуство во приватниот сектор, а има искуство и како дел од раководниот тим на Спортскиот центар Борис Трајковски. Перински има работно искуство во повеќе успешни компании со подружници во 7 европски земји, управувал со застапништва на германска и на грчка компанија“, информира Град Скопје.
Со ова назначување Град Скопје ги промени досега речиси сите директори на јавните градски претпријатија откако Данела Арсовска стана градоначалник.