Градоначалникот на Гази Баба позитивен на коронавирус, претходно бил хоспитализиран
Објавено во: Македонија 13 Јуни, 2020
Борис Георгиевски, градоначалникот на Гази Баба, за „Фокус“ потврди дека е позитивен на коронавирусот, откако претходно беше објавено дека бил хоспитализиран на Клиниката за инфективни болести.
– Утрово го добив тестот, засега сум добар, немам температура и примам соодветна терапија пропишана од лекарите, изјави Георгиевски.
Георгиевски прво се пожалил на болки во бубрезите, по што бил примен на Инфективна клиника, каде му биле направени сите прегледи, а поради наодот од рентгенот на белите дробови е задржан на лекување.