Грција ќе потроши дури 1 милијардa евра за ново вооружување
Објавено во: Балкан 03 Април, 2018
Грција најавува масовно трошење на пари за подигнување на вооружениот капацитет што е прв јасен сигнал упатен како кон домашната така и кон меѓународната јавност за зајакнување на одбраната со се поголемите тензии кои ги има со Турција поради територијалните прашања во Егејското море.
За таа цел владата на Ципрас подготвува законски решенија кои ќе овозможат вложување на 1 милијарда долари во нови воени системи за сите три гранки на грчката војска.
За предлогот за таквите расходи се дискутирало на парламентарната комисија за вооружување. Претставници од сите партии во оваа комисија се согласиле дека има потреба да се преземат иницијативи за одржување на вооружувањето на армијата.
На седницата била одобрена и распределбата на речиси 55 милиони евра за поддршка на постоечките воени авиони за транспорт C-1340 и C-27.
Најголем дел од дискусијата била фокусирана и околу предлогот за одобрување на расходи во износ од една милијарда евра. Средствата треба да се доделат со цел итно исполнување на потребите на армијата.