ГРЦИЈА НА НОЗЕ: Почнуваат нови протести против договорот Скопје-Атина
Објавено во: Балкан 15 Јуни, 2018
Почнувајќи од денес во следните три дена во Грција ќе има протести за постигнатиот договор меѓу Македонија и Грција.
Според повиците на социјалните мрежи, организаторите на протестите во Атина и Преспаги повикуваат граѓаните на централен собир пред грчкиот Парламент вечер во 20 часот
Мала група граѓани уште од рано утрово се собраа пред грчкиот Парламент, додека е во тек расправата за гласање недоверба на владата, јави дописничката на МИА од Атина.
Протестот во Атина првично беше закажан за 10 часот утрово, бидејќи беше најавено дека денес, грчкиот премиер ќе го извести Парламентот за договорот со Македонија, но по доставената иницијатива од Нова демократија за гласање недоверба на владата и тридневната расправа, планот се смени, организаторите на протестите преку социјалните мрежи најавуваат дека собирите започнуваат утрово и ќе траат додека трае седницата, а ќе кулминираат со протест во Преспа на денот кога ќе се потпише договорот, веројатно во недела.
Во исто време во северна Грција започнуваат да се организираат за Преспа, веќе се планирани автобуси да заминуваат од градовите од северниот дел на земјата, за граѓаните да учествуваат во протестот.
ИЗВОР: Миа