ГРЦИТЕ НА НОЗЕ: Почнуваат серија штрајкови
Објавено во: Балкан 16 Мај, 2017
Во Грција денеска штрајкуваат транспортните работници и новинарите.
Во земјата нема да сообраќаат фериботите и останатите бродови, поради почетокот на 48-часовниот штрајк. Ова е во знак на протест поради новите мерки на штедење што ги договорија Владата и кредиторите.
24 часа ќе штрајкуваат и вработените во државните и приватните медиуми. Тие ќе одржат протестен марш во главниот град.
Медиумските работници протестираат против „антинародните мерки“ за штедење што Владата прифати да ги направи со новиот договор со кредиторите, а кои вклучуваат и дополнителни намалувања на пензиите и зголемување на даноците.
Штрајкот на новинарите ќе трае до утре изутрина, кога тие ќе се приклучат кон утрешниот генерален штрајк во Грција, организиран од синдикатите.
За утре е најавен и почеток на 48-часовен штрајк на лекарите и медицинскиот персонал, кои се незадоволни од најавите за намалување на трошоците за здравствениот систем.
Во среда земјата ќе биде парализирана од штрајкови, а нема да работат ниту училишта, болници, јавен превоз.
Овие штрајкови се организираат во време додека во грчкиот Парламент трае дебата околу Предлог-законот за новите мерки за штедење, за кој пратениците треба да гласаат на 18 мај.
Атина се согласи да исплати долг од 3,6 милијарди евра, средства кои треба да се обезбедат со намалување на пензиите и давачките во државниот сектор и со зголемување на даноците. Согласно договорот, примената на овие мерки треба да започне по 2018 година, откако ќе истече сегашната програма за спас, и треба да бидат импементирани за две години.
Од усвојувањето на новиот Предлог-закон ќе зависи дали на средбата на Еврогрупата на 22 мај ќе биде донесена одлука за исплата на нова транша од кредитите за спас на Грција.
Можеби ќе ве интересира
„ДЕНЕСКА ПРЕСТАНУВАМ ДА ПИШУВАМ, БИДЕЈЌИ ЌЕ СЕ ПОСВЕТАМ НА ЛЕКУВАЊЕТО“ - Ведрана Рудан има рак, веста ја објави на својот блог
„ДЕНЕСКА ТРЕБАШЕ ДА ЈА ДУВАМЕ СВЕЌАТА НА ТВОЈОТ ВТОР РОДЕНДЕН, НАШЕ НАЈМИЛО МАЛЕЧКО“ - таткото на Данка со потресна порака
ГИ ВИДЕЛА СНИМКИТЕ НА ЉУБОВНИЦАТА (18), ПА СО ДЕЦАТА СКОКНАЛА ВО РЕКАТА - се огласи таткото на Алма „Таа кажа само една работа“
„ДА НЕ ЗБОРУВА ДЕКА Е ТОЈ МРТОВ ЧОВЕК, БИДЕЈЌИ СИТЕ ТИЕ СЕ ПРИЛИЧНО ЖИВИ“ - адвокатот на семејствата огорчен од таткото на Коста
ХРВАТСКА: Убиена е жена, уапсен е член на семејството
ТРАГЕДИЈА ВО АЛБАНИЈА: Поради семејно насилство мајка со трите деца се фрлила вo река
ДИЈАНА ЃОКОВИЌ, МАЈКАТА НА НОВАК ЈА ПРОМЕНИЛА ВЕРАTA: Родителите не ме учеа да верувам во Бога
СЕ АКТИВИРАШЕ И АНГЕЛОВ, ОТКАКО СРБИТЕ ПРЕДУПРЕДИЈА ДЕКА НЕКОЈ ИМ КРШИ ШОФЕРШАЈБНИ ВО МАКЕДОНИЈА: „Пратете попорецизна локација“
НИКАНА.ГР: ПРЕДУПРЕДУВАЊЕ ЗА СИТЕ ШТО ПАТУВААТ ОД ГРЦИЈА: „Некој врзал камен за мост во Македонија, возачите ги кршат шофершајбните“
