Груби демантира било каков сојуз со ВМРО ДПМНЕ околу изборниот модел
Објавено во: Македонија 18 Декември, 2019
ДУИ не е во никаков сојуз со ВМРО ДПМНЕ и имаме дијаметрално спротивни ставови.
Ова е ставот на пратеникот од ДУИ Артан Груби кој во 24 отворено истакна дека неговата партија се залага за шест изборни единици.
Груби потенцира дека е несериозно на кратко време пред изборите да се прави модел на една изборна единица, кој го застапува владеачката СДСМ, додавајќи дека така не се исклучува можноста да не се формира Влада и Собранието да биде нефункционално.
Од друга страна, претставниците на СДСМ и ВМРО ДПМНЕ ги потврдија ставовите на матичните партии.
Влатко Ѓорчев бара мнозински изборен модел по примерот на Велика Британија, додека Дамјан Манчевски е за една изборна единица бидејќи смета оти не треба да се калкулира со гласот на граѓаните.