Груевски: Браво за играчите, за спонзорот, за стручниот тим и за сите вработени во клубот!
Објавено во: Македонија 02 Јуни, 2019
И екс премиерот Никола Груевски кој е во Будимпешта каде доби политички азил, му честиташе на Вардар.
Тој се огласи на Фејсбук.
„Браво за играчите, за спонзорот, за стручниот тим и за сите вработени во клубот!
Честитки за огнената публика која ги бодреше! Одамна македонскиот народ немал можност за колективна радост и прослава. Непријатни мигови за оние кои посакуваат распад на клубот, а сега мораат да честитаат. Вардар уште еднаш покажа како со многу работа, труд, посветеност, самодоверба, професионален и одговорен пристап, но и со „жар и срце“ може да се успее и да се биде најдобар! Нека продолжат успесите!- напиша Груевски по победата на македонскиот ракометен гигант Вардар.
Претходно честитаа премиерот Зоран Заев и лидерот на ВМРО-ДПМНЕ, Христијан Мицкоски.